Уважаемые посетители!
By tulaginoadmin
/ 11.01.2022
Сайт общеобразовательного учреждения перешел на другой адрес https://ykt-tuls.obr.sakha.gov.ru/ (далее…)
Читать далее
Алтынньы ый 20 күнүгэр П.И.Кочнев аатынан Тулагы орто оскуолатыгар иккис сылын “Ийэ эйгэ” Дьокуускай куорат ийэ тылынан үөрэтэр алын сүһүөх учууталларын түмсүүтүн чэрчитинэн «Айылҕа оҕото» күрэх буолла. Күрэх сүрүн сыалынан алын кылаас оҕотун айылҕалыын алтыһар эйгэтин тэрийии буолар. Бу күрэххэ оскуолаттан түөрт оҕолоох сүүмэрдэммит хамаанда үөрэнээччилэрэ бэйэлэрин сатабылларын, билиилэрин көрдөрдүлэр.
Ол курдук “Үрүҥ илгэ” диэн түһүмэххэ үрүҥ ас арааһын таайдылар, микроскобунан үүт тутулун көрдүлэр. Оҕону саха төрүт дьарыктарын кытта билиһиннэрдибит: сүөһү иитиитэ, бултааһын, балыктааһын, оттооһун, иистэнии. “Эмтээх үүнээйилэр” түһүмэххэ алта көрүҥ араас отонтон оноһуллубут утахтары таайдылар. “Тииҥ мэйии” түһүмэххэ тиэкиһинэн сорудахтары толордулар. “Айылҕа оҕото” диэн Тулагы оскуолатын учууталлара айан таһаарбыт остуол оонньуутун кытта билистилэр. “Уран тарбах” түһүлгэҕэ ыһыах хартыынатын киэргэттилэр. “Өбүгэ оонньууларыгар” саха төрүт оонньууларын көрүҥнэрин биллилэр, сымсаларын көрдөрдүлэр. “Байанайдаах ыллыга” түһүмэххэ булчут буолан куоталастылар. “Үтүө үгэскэ” сахалыы сиэри-майгыны төһө тутуһалларын, билэллэрин көрдөрдүлэр.
Барыта 12 куорат оскуолатын хамаандалара кыттыыны ыллылар: № 31, 33, 38, 17, школа-лаборатория СВФУ, СПЛ, Айыы Кыһата, ЯГНГ, Саха гимназията, Хатас, Марха, Тулагы оскуолалара. Бастакы миэстэ “Айыы Кыһата”, иккис миэстэ Тулагы оскуолата, үһүс миэстэ СПЛ ыллылар.
«Мин — тыа сирин оҕотобун» күрэх туһунан санаа уллэстии:
Шамаева Л.П. – “Айыы Кыһатын” дириэктэрэ:
“Олус тэрээһиннээх, киһи – айылҕа оҕото буоларын билинэригэр ааттаах күрэх. Кылгас кэмҥэ оҕолор араас элбэх көрүҥ сатабылы, билиини ыллылар.”
Дмитриева Е.Г. – СПЛ учуутала:
“Олус наадалаах, өбүгэ ситимин тиһигин быспат күүстээх тэрээһин.”
Гаврильева Г.С. – СОШ №17 учуутала:
“Күрэх түһүлгэлэрэ олус бэккэ ааста. Өссө да үүнэ-сайда турун!”
